Un artistu di u Rinascimentu talianu, autore di pitture à l'affrescu in un paese di u centru di a Corsica ! Hè a scuperta chì hè stata fatta in Omessa è hè un picculu terramotu. Si tratta di Giovanni da Piamonte, discipulu di u grande maestru Piero della Francesca.
Ma ripigliemu tuttu à principiu. In u 2014 sò stati scuperti l'affreschi in a chjesa Sant'Andria, in u paese d'Omessa (pieve di Tàlcini). Ne aviamu digià parlatu tandu.
Duvimu sta scuperta à Nicolas Poli, chì s'occupava di a risturazione di l'edifiziu.
Duvimu sta scuperta à Nicolas Poli, chì s'occupava di a risturazione di l'edifiziu.
Sò state scuperte pitture à l'affrescu in Omessa http://t.co/1N8GX5T5T9 (Cumu? È in Corsica ùn averiamu patrimoniu?) pic.twitter.com/65SnAJTRed
— A Piazzetta (@aPiazzetta) 12 mai 2015
Tandu sò sbarcati in Omessa spezialisti di storia di l'arte, sapientoni è circadori. È chì anu trovu ? Chì ste belle pitture sarianu l'opera d'un pittore tuscanu di u XVu seculu, Giovanni da Piamonte.
Stu nome ùn vi dice forse nunda. Ma Giovanni da Piamonte hè cunnisciutu per esse statu l'elevu di u grandissimu pittore di u quattrucentu, Piero della Francesca.
Hè cunsideratu cum'è unu di i tercani di u Rinascimentu talianu. A so opera a più cunnisciuta hè u doppiu ritrattu di i duchi d'Urbinu, spostu à l'Offizi in Fiurenza.
Stu nome ùn vi dice forse nunda. Ma Giovanni da Piamonte hè cunnisciutu per esse statu l'elevu di u grandissimu pittore di u quattrucentu, Piero della Francesca.
Hè cunsideratu cum'è unu di i tercani di u Rinascimentu talianu. A so opera a più cunnisciuta hè u doppiu ritrattu di i duchi d'Urbinu, spostu à l'Offizi in Fiurenza.
Tandu a tecnica di a perspettiva era nova. Cum'è in st'affrescu di a Risurezzione di Cristu.
Giovanni da Piamonte averia dunque assistitu à Piero della Francesca in u so travagliu. Cumu pè l'affreschi di a chjesa San Francesco d'Arezzo, in Tuscana.
Cumu un maestru di a pittura hè pussutu passà da a Rinascita tuscana à un paisolu muntagnolu di Corsica ? Per avà ùn si sà è l'affreschi di Corsica ùn anu ancu palisatu tutti i so misteri. Ma hè a prova chì a Corsica ùn era « fora di u mondu è di u tempu ». Ci vulerà forse à turnà à cunsiderà u « grande tunnellu bughju » di u Medievu corsu...
L'infurmazione hè stata palisata da u cunservatore di i munumenti storichi ellu stessu, Vincent Simonet. Era in u guatru di u cullochiu internaziunale nant'à l'affreschi, l'8 nuvembre scorsu.
[AGENDA]🗓️Fresques de Corse et de Méditerranée occidentale : sguardi incruciati - regards croisés
— Patrimoine Corse (@PatrimoniuIsula) 5 novembre 2018
Les 7, 8 et 9 novembre 2018 se tiendra un colloque international sur les chapelles à fresques de Corse (in Corti, Omessa, Castellu-di-Rustinu)
Informations : https://t.co/neKR7b5yRf
Eh iè, ci hè appena di a grande pittura tuscana di u Quattrocento in u centru di a Corsica. Ùn vi pare nunda ?
L'architettu chì s'hè occupatu di a risturazione di a chjesa hè Sébastien Celeri. Spiega chì Sant'Andria d'Omessa « ci parla di sei seculi d'arte è d'architettura di Corsica. Hè stata custruita da u vescu Ambroggio d’Omessa è trasfurmata à u XVIIu seculu. Dopu hè stata ornata da Giovanni Raffalli, terza generazione di i famosi stuccatori è pittori barocchi di Pedicroce. Eppo risturata da l’architettu curtinese Aureliu Guglielmi in u 1891. »
Ma cose da scopre ci n'hè sempre. Ci spiega l'architettu : « L’ultimu cantiere di l'anni 2015-2016 ci hà apertu una finestra versu l’origine di stu munimentu incù sta scuperta, trà e più maiò di a storia di l’arte in Corsica. Ci mostra chì a Corsica hè bè stata tocca da u Rinascimentu talianu è l’arte di i maestri di u Quattrocento. »
L'architettu chì s'hè occupatu di a risturazione di a chjesa hè Sébastien Celeri. Spiega chì Sant'Andria d'Omessa « ci parla di sei seculi d'arte è d'architettura di Corsica. Hè stata custruita da u vescu Ambroggio d’Omessa è trasfurmata à u XVIIu seculu. Dopu hè stata ornata da Giovanni Raffalli, terza generazione di i famosi stuccatori è pittori barocchi di Pedicroce. Eppo risturata da l’architettu curtinese Aureliu Guglielmi in u 1891. »
Ma cose da scopre ci n'hè sempre. Ci spiega l'architettu : « L’ultimu cantiere di l'anni 2015-2016 ci hà apertu una finestra versu l’origine di stu munimentu incù sta scuperta, trà e più maiò di a storia di l’arte in Corsica. Ci mostra chì a Corsica hè bè stata tocca da u Rinascimentu talianu è l’arte di i maestri di u Quattrocento. »
L'affreschi rapresentanu in a parte bassa u martire di San Petru, nant'à a croce. Hè unica in Corsica.
È in a parte alta si vede à San Martinu chì strappa a so cappa per dalla à un poveru. Quessa hè unica in Auropa : u poveru hè rapresentatu cum'è un zitellu.
Eccu un ritrattu di l'inseme dop'à a risturazione (fatta da Ewa è Nicolas Poli).
L'altra insignamentu maiò hè chì ci porta à turnà à pensà a storia di l'arte in Corsica. Spiega Sébastien Celeri : « Si dice sempre chì in Corsica simu passati da u Medievu à l'epica barocca senza ch'ellu ci sia statu l'epica di u Rinascimentu. L’affrescu d’Omessa pare esse un "anellu chì manca" trà u Medievu è l’epica barocca. »
Avà sapemu chì un pezzucciu di ciò chì i più grandi artisti taliani di u Rinascimentu talianu sò capaci di fà si trova in Corsica.
È pudemu fà a scumessa ch'elli fermanu tanti tesori à truvà, ch'elli sianu piattati in e chjese o sottu terra...
Avà sapemu chì un pezzucciu di ciò chì i più grandi artisti taliani di u Rinascimentu talianu sò capaci di fà si trova in Corsica.
È pudemu fà a scumessa ch'elli fermanu tanti tesori à truvà, ch'elli sianu piattati in e chjese o sottu terra...