I Corsi chì camperanu in l'anni 2100 averanu u caldu è si lasceranu a piaghja, chì serà sott'à u mare d'appressu à i scentifichi.
L'idrobiologistu Antoine Orsini spiegava qualchì mese fà chì in u 2050 Bastia averà u clima di a Tunisia è chì l'acqua si faria di più in più rara. Da leghje in Corse-Matin :
Office hydraulique : "En 2050, Bastia aura le climat de Tunis" https://t.co/M7gsR8EqxP pic.twitter.com/RPy4iVZjZQ
— Corse-Matin 📰 (@Corse_Matin) 30 mars 2017
Allora s'è vo site inchieti ùn andate micca à vede sta carta interrativa chì permette di fassi un'idea di ciò ch'ellu serà u mondu cù a crescita di u livellu di u mare.
Ramintemu chì l'ipotesi a più pessimista di i spezialisti di u GIEC (Groupe d'experts intergouvernemental sur l'évolution du climat) prevede una crescita di e timperature di quattru gradi.
Per i scentifichi di "Climate Central", quattru gradi in più currispondenu à una crescita di u livellu di u mare di 8,9 metri.
Forse hè una visione troppu pessimista. Ma per avà a tendenza ùn hè micca à a calata di e timperature...
Ramintemu chì l'ipotesi a più pessimista di i spezialisti di u GIEC (Groupe d'experts intergouvernemental sur l'évolution du climat) prevede una crescita di e timperature di quattru gradi.
Per i scentifichi di "Climate Central", quattru gradi in più currispondenu à una crescita di u livellu di u mare di 8,9 metri.
Forse hè una visione troppu pessimista. Ma per avà a tendenza ùn hè micca à a calata di e timperature...
Avec une montée des eaux de 8,9 m, des villes comme Miami, Shangai, Bombay et bien d'autres seront englouties #COP21 https://t.co/WNUQb89ASN
— 7sur7 (@7sur7) 9 novembre 2015
Climate Central hà dunque fattu una carte interrativa per fassi un'idea di ciò ch'ellu puderà esse.
Bastia dice addiu à u so Vechju Portu, a Marana hè sott'à l'acqua
Nant'à u Spassimare si spasseghjanu i granci. A piaghja chì và da Bastia à U Borgu serà pè i pesci. San Fiurenzu è l'aeroportu di Puretta dinù.
U Fiumorbu è Aleria sò sott'à u mare
E terre agrìcule di a piaghja sò sott'à l'acqua. Ma u situ anticu d'Aleria hè priservatu. Eranu forti sti Rumani.
Portivechju
Custì sò numerose e "villas-les-pieds-dans-l'eau".
Aiacciu
Chì avvene pè l'Atrium ?
Bella sigura, ùn hè ch'è un'ipotesi è i scentifichi ùn sò micca tutti d'accordu. Ma puru sì u mare cresce "solu" d'un metru, u liturale corsu ùn serà micca u listessu ch'è quellu d'oghje.