È cumu si dice "suremballage" in corsu ?

Rédigé le 12/05/2018

Allora ch'elli si tazzanu i partigiani di l'incineratore contr'à quelli di a spurtazione di mullizzu, a quantità di rumenzule cuntinuveghja d'accatastassi. L'unica suluzione hè quella di u scumpartime di u mullizzu, ma per avà ùn ci la femu. Purtantu, ci vulerà bè un ghjornu à cambià e nostre abitutine di cunsumazione. È falla finita cun quella di u "suremballage".

Chì hè u "suremballage" ?

U plasticu hè un vituperiu pè a natura. A nostra sucetà ne pruduce troppu, è spessu hè impussibule à riciclà. E suluzione ci sò pè rimpiazzallu. Ma in u nostru mondu scemu, ci sò capizzoni chì anu decisu di mettene sempre di più, allora ch'ellu hè inutile. Ùn cridite micca ?

Ma cumu dì "suremballage" in corsu ?

Dumanda à i capizzoni di a lingua corsa : ci vole à truvà una parolla per stu dannu mudernu di u "suremballage". In talianu ci "imballaggi eccessivi" è "sovraimballaggio".

À voi di truvà qualcosa.

I più belli esempii d'imballasgi ch'ellu si puderia evità...

Belli avucati digià tagliati, senza nòcciulu, gluten free, ma cun cartone è plasticu.

È cumu si dice "suremballage" in corsu ?

Ritrattu : Christine Kizik

Dop'à i pomi fritti, i pomi in plasticu.

Buttigliuccia in aluminium + scatula in plasticu + filmu in plasticu.

Ritrattu : Bri An

D'una utilità tremenda.

Ritrattu : NYhook

A banana hè biodegradabile. U plasticu, nò. Avanzemu ?

Ritrattu : thenamenononehas

Sviluppà i prudutti "bio", hè bè. Ma aghjunghjeci plàsticu per ingutuppallu, perchè ? À chì ghjova tandu ?
Ritrattu pigliatu in un magazinu corsu.

Greenpeace hà lanciatu una campagna per dinunzià l'aberrazione di l'imballasgi eccessivi cù i hashtags #RidiculousPackaging è #BreakFreeFromPlastic.

Ci sò esempii à più vulenne.

Le bio c'est bien. Sans plastique c'est mieux. #ridiculouspackaging #vivea #lareunion #suremballage pic.twitter.com/RD6divJhqR
— Robert Le Diable (@robert_lediable) 3 mai 2018

#PlasticAttack : une initiative efficace pour lutter contre le sur-emballage. @greenpeacefr incite les citoyens à interpeller les entreprises sur les réseaux sociaux en utilisant le hashtag #RidiculousPackaging. L'association rappelle que 90 % du plastique n'est pas recyclé. pic.twitter.com/7SPAFWvfzR
— ekodev (@ekodev) 7 mai 2018

I frutti anu digià una pelle... l'omi ci anu aghjustatu u plasticu.

@casino_super svp #RidiculousPackaging #DesnudalaTierra #Noplastic @greenpeace_esp @greenpeacefr pic.twitter.com/gQzZbo8huE
— xxx (@Alivc96) 22 avril 2018

Cunsumà bio, hè bè. Bio senza plasticu, seria megliu.

Quand le marketing et l'industrie s'emparent du #bio ça donne des tubes de tapenade et des #dechets #plastique ! #zerodechet #emballageridicule #RidiculousPackaging #zerowaste pic.twitter.com/Y67TatlzIK
— Kill the plastic (@kill_th_plastic) 3 mai 2018

Bisognu d'aghjutà qualcosa ?

Ma perchè aghjustà un filettu in plasticu ?

Ci serà bisognu d'aghjustà tante cose chì ùn si ponu riciclà ?

Serà cusì cumplicata di ghjuvassi d'una cultella ?

Un pezzu di furmagliu in un plasticu, ingutuppatu in un altru plasticu. Utile è logicu.

Un tubu di salsa ? OK. Ma perchè mettelu in più in un cartone ?

Tuttu stu plasticu chì finiscerà a so vita in Prunelli o in Vighjaneddu, da quì à 500 anni...

Ùn ci puderiamu passà di stu cartone ?

Caccià a pelle di a banana (biodegradabile) per aghjustà una pelle in pasticu. Cumplimenti.

Tuttu què per finisce sottu terra, per parechje centinaie d'anni. Ancu di grazia ch'è no a tenimu cara a nostra terra corsa !

Bon, hè sigura ch'ella ùn hà da esse semplice. Ma avemu da circà di cambià e nostre abitutine di cunsumazione ?

È cumu si dice "suremballage" in corsu ?

Commentaires