Chì SMS d'auguri mandà ?

Chì SMS d'auguri mandà ?

31/12/2017

Pè l'auguri di capu d'annu hè un tsunamì di sms ch'ellu s'aspetta dop'à mezanotte.

Quist'annu torna, sò per milioni chì i SMS seranu mandati à mezanotte. À chì li piace, à chì l'annerba, à chì si n'impippa, à chì serà digià chjinatu à ondeci ore.

Ma per quelli chì mandatu i so auguri per messagiu, si pone a dumanda. Chì scrive quist'annu ?

U classicu

Cortu, efficace, classicu, cunnisciutu da tutti. Ma manca chjaramente d'originalità, è hè troppu depersunalizatu. Si pò fà megliu.

U goffu cun pienu d'emoticons

Hè francamente insuppurtèvule, moltu più chè vo sapete ch'ellu hè un sms cullettivu.

U minimalistu

What else ?

U sburgnò

Scrittu dop'à un bellu apperitivu chì hà duratu sin'à mezanotte.

Quellu chì s'hè sbagliatu d'annu

Hè bè, originale, ben scrittu... ma ùn ci hè chè una cosa ch'ùn và micca : l'annata. Tandu capite ch'ellu hè un "copié-collé" d'un messagiu appena anticu.

Quellu di u Sporting

I sustenidori di Bastia sò tutti in depressione. Allora lasciateli sunnià, i corci...

L'inversitu

Piccula fantasia. Bon, ùn hè micca rivuluziunariu non più.

A magagna di l'anni 80

U grande classicu di quelli chì anu cunnisciutu L'Apocalypse, Jacques Bastianesi à Corsica Sera, u minitel è a R5.

U naziunalistu

Grossu successu quist'annu, avà chì tuttu u mondu hè naziunalistu.

L'azezu

Quellu chì ùn manda nunda perchè i textò di capu d'annu u stumacanu.

U passiunatu di fucilate

À ellu, li piace capu d'annu solu pè e pistulittate. U tazzu si sente ancu in i so SMS.

L'auguri cumpletti

Hè digià appena più longu ch'è un semplice "pace è salute".

Quellu chì ne face troppu

Perchè ci n'hè sempre unu chì ne face troppu o chì si crede sempre in campagna.

U nostalgicu di a Republica

Iè iè, ci n'hè !

U sporcu

Bah perchè micca ?

Quellu chì vole beie

Quessu, hè in qualchì locu in un caffè, hà a sete è hè sbaiuccatu.

Quellu chì manda l'auguri in francese

Fate u piacè : à quessu ùn li rispundite micca.

Quellu chì hè in buatta è chì ti vole fà biscà

Ci n'hè sempre unu chì hè in perdizione in qualchì lucacciu è chì ti vole fà arrabià. Ma ci vole quantunque à prevenelu chì a campagna hè compia.

Quellu chì ùn sapete cumu ci vole à piglialla

Tuttu dipende di quale hè chì u manda.

Quellu chì mette l'accenti da per tuttu

Perchè ci n'hè sempre unu chì mette accenti nant'à ogni parolla.

U picculu muntagiu

Hè a tindenza quist'annu. Si pò mandà nant'à e rete suciale o per sms. À voi di truvà u ritrattu u più originale.

Ma ch'elli vi piacquanu i SMS d'auguri o nò : pace è salute à tutti !