Hè digià Natale : hè apertu u tunellu di Casatorra !

Hè digià Natale : hè apertu u tunellu di Casatorra !

15/11/2016

Tamanta strada ! Hè l'evenimentu maiò di st'ultimi vinti anni in l'isula. A Corsica si ralegra, u murale di l'abitanti di u circondu bastiacciu cresce, a pupularità di l'eletti dinù : hè apertu u tunellu di Casatorra dop'à trè anni di travagli.

U quindeci di nuvembre hè un ghjornu maiò pè a Corsica. Dop'à l'elezzione di Pasquale Paoli è a vittoria di u Sporting in cuppa di Francia, sta data firmerà in i libri di storia.

Et qui on est ! Dop'à trè anni di travagli, d'ingorghi, d'azizume è d'angoscia, hè ghjunta l'ora di u Riacquistu Stradale.

Nant'à e rete suciale ùn si contanu più i messagi di gioia cù u hashtag #casatorra è i ghjochi di parolle cù "le bout du tunnel".

U murale di i Corsi cresce è a pupularità di l'eletti dinù.

Sta mane ùn si cuntavanu più l'automobilisti chì passavanu sott'à u tunellu trumbittendu è curnendu cum'è dop'à una vittoria di Bastia contr'à l'OM.

Qualchì metru di tunellu chì ci facenu sminticà i tutti i nostri castichi : u disimpiegu, a crisa, a situazione suciale di a Corsica, u Sporting.

Imaginate una stonda u ghjornu induv'ellu apre u tunellu di Vizzavona...