08/02/2017

Dop'à u "poteau" di Reims...

Ci hè statu u piottulu di Reims, eccu a matracca d'Aulnay. Un dissegnu di Lefred-Thouron esciutu in u Canard Enchaîné.

09/11/2015

Canta u pippolu corsu

Un discu di canzone corse in testa di e vendite in Francia, davant'à Maître Gim's è Shy'm : u soft power isulanu à a cunquista di u mondu. Figuratevi chì « Mezu Mezu », u discu d'omagiu sinceru à e meludie isulane chì addunisce canterine è canterini francesi è corsi hè statu a prima vendita di musica in Francia durane quattru settimane. A ci dice [Charts in France]url:http://www.chartsinfrance.net/actualite/news-99212.html.

29/04/2015

Corsica è rap francese

Di quandu in quandu hè accaduta chì i "rappeurs" francesi parlinu di a Corsica o di i Corsi. Chì truveranu à dì nant'à noi ? Eccu u bilanciu.

27/04/2015

Canzone surelle

Cunniscite tutti "A Strada di l'omu", canzona di Canta u Populu Corsu. Ma sapete da induv'ella vene ? In lu settanta, indiatura, country/folk music, versu nustrale è puesia campavanu in armunia. Canta u Populu Corsu cantava (è fischjava dinù) A strada di l'omu (in u discu "A Strada di l'avvene", scritta da GP Poletti) :

12/01/2015

Perchè chì ci vole à stà à sente u Corsican Trio ?

Esce avà u dischettu di u Corsican Trio, duv’ellu hè solu scrittu in chjucu ch’ellu prupone jazz manouche è canti corsi. Eccu un mischju bellu cunnisciutu in Corsica, soprattuttu per ssi cabarets aiaccini simbulizati da dui miti: Paulo Quilici è Antone Bonelli. Eppuru l’interessu è a cuerenza musicale firmerianu à dimustrà. A sapemu bè ch’ùn basta à avè una voce tremenda o à esse un gran virtuosu pè fà a musica bella... Siamu chjari: quì ùn si parla mancu appena d’una razza d’animazione d’istatina. Ùn si parla nemmenu di ripiglià i più grandi successi di un altru mitu, Django, sunendu i Minor Swing è Nuages talmente cunnisciuti ind’è u mondu sanu chì l’interessu d’arrigistralli hè più pocu.

24/12/2014

Oghje, si pò cantà "Dumane Natale"

Chì tanti "Vive le vent" è altri "Petit papa Noël". Noi dinù avemu e nostre canzone di Natale. Ma hè solu oghje, 24 dicembre, ch'ellu si pò cantà "Dumane Natale". Dopu, serà troppu tardi. Bon d'accordu, si pò cantà solu u 24 dicembre, dopu hè troppu tardi. Ma quale ùn cunnosce micca stu "tube" di I Muvrini ? Hè stata esciuta nant'à u discu "Campemuci" in u 1980. Tandu, sò parechji i gruppi à sorte dischi di canzone per i zitelli. I Muvrini ne sortenu dui : Campemuci dunque (1980) è Aiò (in u 1981). Canta u Populu Corsu avia esciutu Festa Zitellina in u 1979 è ci serà ancu E Cardelline in u 1981 cù u successu mundiale di "Libertà". Sè vo circate bè si ponu truvà sti dischi nant'à a tela. Di chè fà a vostra playlista per i zitelli dumane !

13/12/2014

Eccu à Contraversu !

Hè una storia di dui zii (Tonton è Ziu Micheli) chì anu cum'è idea di pigliacci à contrapede è di turnà à visità canti tradiziunali corsi à l'usu folk. Si cuntreranu bè cantu tradiziunale è folk ? Hè l'idea di Micheli Solinas è Tonton (trà Ziu Micheli è Tonton, ùn ci manca più ch'è Tonton David) chì anu lanciatu Contraversu. U prugettu hè natu parechji anni fà. Spiega Micheli Solinas : "L'idea m'hè vinuta vint'anni fà, à l'epica ascultaiu mori i canzoni di i Pogues. In a cerca di valurizà i canti populari nustrali, mi paria intarissanti di scriva li ind´una musica cumpagna. À l'epica quiddi chì pudiani purtà un prughjettu simuli erani siont´è mè, I Cantelli. Ne aviamu discorsu una sera cù Tonton è u tempu hà sfilatu." U prugettu vede infine u ghjornu oghje. Ci sò quattru canzone ch'ellu si pò stà à sente quì è d'altre veneranu allocchè à l'estate chì vene. Nunda di cummercializatu, hè tuttu di rigalu. Spieganu i dui cumbotti : "hè solu una…

25/10/2014

Playlista "bandera corsa"

Ah iè ? Ùn volenu micca vede a nostra bandera ? A so visione li dà e brisgiole ? Cascà bè, l'anu da vede ancu di più cusì. Eccu a nostra playlista "bandera corsa". U prefettu Adolphe hà vulsutu pruibiscela. I Nizzardi si sò annerbati quandu l'anu vista. Tanti cummentadori l'anu vista cumu una "pruvucazione". U delegatu di ACA - Valenciennes l'hà difesa. Senza cascà in a pruvucazione è in l'incidenti ch'elli aspettanu : a sola suluzione, hè di falla sventulà ! Eccu a playlista "testa di moru", da A Palatina à Populu Vivu, da I Chjami Aghjalesi à Orizonte...

10/10/2014

Avemu trovu u solu discu di reggae in lingua corsa

In u 1990 hè esciutu "erba corsa", u primu (è unicu) discu di reggae nustrale. Cunniscite Digamusic ? Stu situ hè un veru tesoru. Nant'à sta pagina cunsacrata à vechji dischi vinyle, si pò vede un "45 giri" appena misteriosu. Grazia à u so animatore (ch'ellu sia ringraziatu Ronald !), chì hà numerizatu è messu in linea nant'à Youtube u discu, tuttu ognunu ne pò prufittà. U dissegnu copia a fiura di e sigarette "Gitane". U gèneru musicale ellu saria "reggae". U primu pezzu musicale si chjama "erba corsa" (tè ? Forse u fume di u dissegnu saria piuttostu quellu d'un tizzone, è micca quellu di u tabaccu di e Gitanes ?). U segondu s'intituleghja "Diu vi salvi regina and God save the queen ". U gruppu si chjama "Corsica" (averianu pusstu fà un sforzu per esse di più originali...) è si sà pocu affare nant'à quelli chì l'anu fattu. E parolle di a canzona "erba corsa" ùn lascianu piazza à u dubbitu ("Tuttu u mondu fuma l'erba corsa (...), fuma u prete, fuma u merre, fuma…

30/09/2014

Perchè Ghjuvanpaulu Poletti hè u più forte

Pruvate di fà u top 5 di e più belle canzone di Poletti. Ùn ci la ferete micca, ci n'hè troppu. U top 10 non più, ùn basta micca. U top 15 listessu. Allora avemu pruvatu di fà un "top 20 allargatu", tantu sò numerosi i capidopera surtiti da l'imaginazione di st'omu. Di fatti, Ghjuvanpaulu Poletti hè un top 50 à ellu stessu, una mascina à tubes. U so bilanciu : più di quarant'anni di capidopera, principiati in u 1975 in u gruppu Canta u Populu Corsu è a surtita di u primu discu Eri oghje dumane. Avemu circatu di fanne u listinu, per scopre o turnà à scopre l'opera di unu di i fundatori di Canta. Perchè stu tippu hè un geniu, è chì li duvemu e più belle canzone corse di tutti i tempi. Fidighjate da per voi !

10/09/2014

Attenti à e vostre arechje, ghjunghje "The Corsica Sound"

"The Corsica Sound" ? Chì serà torna què ? Un cosu di DJ di paillote, di musica electrò per lonzi techji à mojitos à u mare ? Difatti, manc'appena. Unepochi d'ex-Cantelli si sò rimessi à travaglià inseme, è casca bè, n'aviamu bisognu. Bon d'accordu u nome face pensà à un gruppu di scurnachjoni in brama di "soirées branchées électro-pop à la plage", ma manc'appena. Dop'à dui cultissimi dischi ("I Cantelli", in u 2001 è "Cunniscenza di u corpu umanu", 2005) i membri di I Cantelli anu tutti pigliatu una via differente. Forse era venutu u tempu ch'ognunu fessi un pezzu di caminu solu, dop'à anni di vita in cummunità. Ma "dop'à centu anni è centu mesi, l'acqua torna à i so paesi". Hè cusì chì in u 2013 unepochi di l'antichi Cantelli tornanu à travaglià inseme à a dumanda di Jean Leccia, per illustrà una scena di l'ultima stagione di Mafiosa. Ci vulia forse à passà per quessa per ch'elli si dessinu appena di rimenu è facci infine qualcosa di bè. Fatta…

14/07/2014

A playlista di Pasquale Paoli

Casata : Paoli. Nome : Antone Filippu Pasquale. Età : 29 anni. Prufessione : Capigenerale di a Nazione Corsa. Era u 14 lugliu 1755 (ma quessa avà a sapete). È cumu ùn ci hè nunda di megliu ch'è appena di musica pè rendeli omagiu, eccu a playlista di tonton Pasquale.

18/06/2014

U nostru top 20 di e vechje canzone di I Muvrini

Più và, più e vechje canzone di I Muvrini sò belle. Allora avemu vulsutu fà un picculu best of di u gruppu di i fratelli Bernardini, periudu 1979-1991. I vechji dischi di I Muvrini ùn sò micca i più cunnisciuti, ma certi sò veramente maraviglie. Pè scopre o ramintacci I Muvrini 80's, avemu circatu di fà un picculu "fiorfiore" (best of). Da Ti ringrazianu (1979) à À voce rivolta (1991), passendu pè Anu da vultà (1980) è È Campa Quì (1984) o À l'encre rouge (1987) eccu a nostra selezzione è a playlist nant'à Deezer. Avete di siguru u dirittu d'ùn micca esse d'accunsentu.

29/05/2014

35 anni fà surtia "Chjamu a puesia"

I fans di Canta u Populu Corsu anu tutti avutu sta discussione un ghjornu : qualessu serà u più bellu album di u gruppu ? Chjamu a puesia hà 35 anni, è hè forse questu quì. Di maghju 1979 hè arregistratu u quintu discu di Canta u Populu Corsu. Dop'à Eri oghje dumane (1975), Libertà (1976), Canti di a terra è di l'omi (1977) è A strada di l'avvene (1978), eccu Chjamu a puesia. Sott'à u ritrattu campagnolu di a cuprèndula, ci hè un discu pienu di finezza, un mischju di creazione è di tradizione, un discu pienu di puesia. Ma un discu puliticu assai, chì esce in un'epica tòrbida, quella di l'anni settanta. Sò l'anni di a presa di cuscenza ch'ellu si ne more un populu. Sò l'anni di i sogni cullettivi, di a sperenza d'un miglior lindumane per a Corsica. L'anni di un grande rimusciu puliticu dinù, di e rivendicazioni è di e prime arrestazione. I dece tìtuli di st'album facenu di Chjamu a puesia un capidopera. 35 anni dopu, hè l'occasione di turnà à scopre stu discu

10/05/2014

"Simu di stu paese", chì hè ?

U cullettivu "Simu di stu paese" chjama à manifestà, ripigliendu una riturnella d'una vechja canzona di A Filetta, esciuta 30 anni fà. L'occasione di turnà à scopre i capidopera di stu gruppu, chì forse micca tuttu ognunu cunnosce. "Simu di stu paese", cunniscite u cullettivu ì chjama à manifestà sabbatu u 10 di maghju in Bastia. Avete vistu a video. Cunniscite e ragioni di sta manifestazioni : statutu di residente, cuufficialità, statutu fiscale, avanzate istituziunali. Tutte ste rivendicazioni sò state purtate da una magiurità d'eletti corsi è sò magiuritarie in l'opinione ma per avà e porte in Parigi fermanu chjose. Da leghje : « Pourquoi faut il aller manifester demain ? » nant'à Corsica Infurmazione. Ma u nome di sta mossa face ribombu à una riferenza più antica chì micca tuttu ognunu cunnosce. Si tratta d'una canzona di u gruppu A Filetta, esciuta in u 1984 nant'à u discu "Cun tè". A canzona si chama "I Mufrini" (hè ortografiata cusì), è a riturnella…

14/03/2014

U nostru top 20 di Felì

"La musique adoucit les mœurs", dice u francese. In tempi di campagna accanita, hè u mumentu d'andà à vede à Felì per i so cuncerti in Bastia è Aiacciu. Bisognu ci n'hè ! Allora eccu e nostre "Felì Greatest songs". Dopu à Diana di l’Alba tocca dunque à Felì di festighjà i sò 25 anni di canzona. U casinchese serà solu in scena à u teatru di Bastia u 18 di marzu (digià cumplettu, canterà dinù u 19 !) è in Aiacciu u 27. Una voce, una ghitara, una puesia di Ghjuvanteramu Rocchi : eccu l’ingredienti chì sò bastati à fallu duvintà una legenda di u cantu nustrale. Apprufittemu ne pè vultà nant’à a so opera, da u primu 33 giri « Campà » à « A dì ti » passendu pè « E nove ». « E nove » essendu l'album riferenza assuluta in qualità di simplicità è d’interpretazione. Stu discu cunsideratu cume unu di i più belli di u cantu nustrale hè statu fattu cun : una ghitara è un pianò. Allora campemuci appena vultendu nant’à i tubes di Felì cù u

17/02/2014

U top 20 di Diana di l'Alba

Antone Marielli è i so cumpagni principieranu à a fine di ferraghju un giru anniversariu pè i so vint'anni di scena. Apprufittemu di l’occasione per vultà nant’à l’opera di stu gruppu. Eccu u nostru top 20. Diana di l'Alba, tuttu ognunu cunnosce, sò quelli chì mettenu a concia à Black Eyed Peas d'appressu à un'inchiesta fatta da u Museu di a Corsica. Ma sò dinù sette dischetti, da u magnificu primu album (chjamatu sempliciamente Diana di l'Alba in u 1980), à a rifurmazione di u gruppu in u 1994 (è u dischettu Pueta in u 1996) à l'ultimu Indiature in u 2013. Eccu u nostru top 20, è avete u dirittu d'ùn esse d'accunsentu.

14/02/2014

20 capidopera di Canta u Populu Corsu

Fà u "best of" d'un mitu hè missione impussibule. Da u 1975 à u 1982, Canta sò ottu dischi è più d'un centu di canti, induv'ellu ùn ci hè nunda da mette da cantu. Avemu pruvatu quantunque, pè ramintassi a storia di stu gruppu unicu, chì hè statu un terramotu culturale. Avete ragiò, riduce a discografia di Canta u Populu Corsu à una vintina di canzone ùn si pò micca fà. Ma ci vulia quantunque à pruvà. Pè rende omagiu à stu gruppu (40 anni quist'annu), pè turnà à scoprelu è per dà a voglia à quelli chì ùn u cunnoscenu micca (o micca bè) di cunnoscelu megliu. È cum'ella hè difficiule di fà una scelta à mezu à tanti tesori (ottu dischi, più d'un centu di canti), avemu pigliatu a prima epica di Canta u Populu Corsu (da u 1975 à u 1982). Ben'intesa, avete u dirittu d'ùn esse d'accordu. Tocca à voi di dì u vostru pensà, d'arricchisce st'articulu, di dà una precizione in i cummenti di st'articulu.

12/09/2013

Diana di l'Alba mette a concia à Black Eyed Peas

Antone Marielli hè più forte chè Coldplay, The Black Eyed Peas è Adele reuniti. I pesta tutti, vi và ? Hè u risultatu d'un sundagiu fattu da u Museu di a Corsica in u quadru di a so mostra "La Corse et la musique". 41%, luntanu davant'à u restu di u mondu ! U gruppu Diana di l'Alba hè in testa di i gruppi preferiti di i liceani d'appressu à un sundagiu fattu pè a bella mostra "La Corse et la musique : Entre tradition et modernité". Da vede dinù quì. Ùn vale a pena di ride o di mughjà ch'ellu ci hè statu a froda, a metudulugia è i risultati sò spiegati in u catalogu di sta mostra. 1077 cullegianti è 203 liceani sò stati interrugati. Serà colpa à a surtita di l'ultimu dischettu Indiature ? U successu di u so tube A Cispra ? Hè cusì, pè i liceani corsi, Antone Marielli hè più forte chè u lonzu di Will.i.am di "BEP". Ùn vi pare nunda ? Bon, in cullegiu hè più dura. A sapemu, i cullegianti sò croce. Anu messu in testa u gruppu LMFAO (23%) ma I Muvrini ùn sò…

28/04/2013

Una serata cù l'anziani di Canta u Populu Corsu

Ci hè quantunque statu un bellu mumentu sta settimana in Corsica : u cuncertu di l'anziani di Canta u Populu Corsu à u teatru di Bastia. È dì chì certi dicianu ch'elli eranu troppu vechji ! Canta u Populu Corsu hè un gruppu natu un 17 di lugliu in Sermanu, è quandu l'anziani collanu nant'à a scena (pè una serata di carità) a magia si mette in ballu. Prima ci hè stata a surpresa di vede un teatru pienu à tappu. 800 biglietti partuti in qualchì ghjornu cun poca publicità. Mercuri sera u teatru di Bastia era troppu chjucu è 300 o 400 biglietti in più si sarianu vinduti. In segondu ci hè stata l'emuzione. Assai forte pè l'omagiu à quelli chì ùn ci sò più. E voce di Natale Luciani, d'Alain Nicoli è di Dumè Gallet risonanu per sempre in e nostre orechje. È dopu s'hè passatu qualcosa chì solu stu gruppu è ste voce ponu fà. Un mumentu forte di più di duie ore, chì hà rammintatu chì mumenti cusì, ci n'hè troppu pocu. È ancu, averianu pussutu cantà una…

19/02/2013

Quandu "Portovekiaux" rima cun "mojito"

Nanzu, c'era un paese chì si chjamava "Portivechju". Mais ça, c'était avant... À Alexis li piacenu e rime in "-aux" : "Portovékiaux, latino, mojito, c'est chaud..." Pensate ch'ella hè una magagna d'un còmicu nustrale in u rollu d'un montasega ? Nò. Ma forse avemu trovu u nostru Mickaël Vendetta. Vi piace ?

17/01/2013

U gruppu corsu chì face a paura à Joey Barton

U ghjucadore inglese di l'OM si n'hè risu in cunferenza di stampa d'André-Pierre Gignac chì stà à sente a musica corsa. Quandu Joey Barton hà firmatu à l'OM, numerosi sò stati i sustenidori di u Sporting à biscà. L'inglese hè reputatu cum'è un ghjucadore appena scemu è viulente è a stampa francese ben-pensente u discrive cum'è le footballeur le plus violent d'Angleterre. In a lista di e so vìttime ci hè u francese Ousmane Dabo ch'ellu hà pigliatu un ghjornu à cazzotti. Sta volta, u bad boy a si caccia cù u so partenariu André-Pierre Gignac in cunferenza di stampa : "Je pense qu'il est un peu fou, mais ses goûts musicaux sont tellement mauvais... La dernière fois, il m'a fait écouter de la musique corse en me disant que c'était bien. En tant qu'Anglais, je ne pouvais pas être d'accord. Peut-être que c'est bien en Corse ou dans la caravane des Gignac mais pas chez moi !" U "gruppu corsu" chì Gignac stà à sente hè Bande à Part. Francamente, quale pò dà

01/12/2012

È sì a Corsica vincia l'eurovision ?

A Corsica ùn vincerà mai l'Euro di ballò, ma hà a pussibilità di vince l'eurovision di e lingue minuritarie. L'Eurovision, cunniscite tutti. Hè un cuncorsu di canterini appena kitsch chì si passe sempre in i paesi di l'Auropa di l'Este è chì a Francia ùn vince mai. D'altronde, u ghjornu induve simu indipendenti, ci vulerà à mandacci i nostri gruppi appena ridìculi custì dinù. Truveremu bè qualchì unu chì face musica discò in lingua corsa nò ? Eppo ci hè l'eurovision di e lingue minuritarie, chì si chjama u LIET è chì si passa quist'annu in a regione di l'Asturie, in Spagna. Pè a Corsica hè u gruppu Dopu Cena chì hè statu sceltu cù a so canzona Trasmetta, scritta da Ghjuvan Micheli Weber è cumposta da Micheli Solinas. Allora per fà vince qualcosa à a Corsica in u 2012, vutate puru ! Ci vole à falla nant'à internet, à st'indirizzu è disgraziatamente ùn ci hè micca a pussibilità di "frodà". L'emissione serà ritrasmessa da Via Stella sta sera à 9…

18/09/2012

U Top 25 di a pop rock nustrale

Face più di 25 anni chì a musica pop rock corsa esiste. Era ora di fanne appena u giru. Da Zia Devota in l'anni 80 à Vitalba, passendu pè Les Varans, I Cantelli, Sekli, Notte o Novi, face una bella stonda chì a musica corsa ùn hè più custretta solu à u registru tradiziunale o à e sudamericanate. Di siguru, ci piaceria à sente di più pop rock, hard rock, metal, electrò o jazz fusion (è perchè micca !) in corsu. Ma quand'è no femu u giru di più di 25 anni di pop rock nustrale, si pò omu avvede chì a scena corsa hè varia è chì a qualità ci hè è ci hè stata. Per st'articulu ci simu aiutati di quelli di Pierre Bertoncini è di Stéphane Leandri nant'à u rock corsu in a rivista Fora.