Sardegna, cusì vicina, cusì luntana...

Rédigé le 27/03/2019

Sì u scopu era di fà parlà, l'oghjettivu hè riesciutu. Ma sò stati numerosi à esse scandalizati da una publicità pè una cumpagnia corsa di battelli rossi, abbastanza "beauf".

Tuttu hè partutu da sta publicità. Ci si vede un omu, si pensa ch'ellu hè sardu. Porta un "marcel" biancu è parla cù e mane.

"Vous avez quatre heures pour apprendre à parler avec les mains" dice a pubba.

Difficiule di fà più cliché. Ùn ci sò ch'è ondeci chilòmetri trà e duie isule, 10.000 anni di storia cumuna, a listessa lingua (iè iè u gallurese hè corsu)... ma "l'isula surella" ùn hè mai stata cusì luntana.

On en est arrivé là...
2019.#ParlemuCorsu pic.twitter.com/VN4TusA8gV
— Nicolas de Peretti (@ndeperetti) 26 mars 2019

Ma perchè, noi altri Corsi, chì suffremu tantu di i stereotipi, chì ci lagnemu tantu è tuttu l'annu di i clichés chì i Francesi ponu avè nant'à noi, semu capaci à sorte un affare cusì ?

Nant'à a e rete, falanu scutrate.

"Vous avez 4h pour apprendre à parler avec les mains"...Quel cliché franchouillard @CorsicaLinea!
J'ignorais qu'Ajaccio, ou Marseille, n'étaient pas des villes méditerranéennes avec les mêmes comportements culturels qu'à Porto Torres.
C'est un parisien qui vous a fait la pub? pic.twitter.com/PV8pjG4G62
— Battì Lucciardi (@Batti_Lucciardi) 27 mars 2019

Comment peut on faire ça?
Quelle honte!@CorsicaLinea supprimez cette horreur. Les Sardes vont apprécier! Comment avez vous pu valider une telle publicité?! https://t.co/zoMh1bRj4s
— chaise (@jeveuxdelaneige) 27 mars 2019

Quand tu te bats sans arrêt contre les stéréotypes dégueulasses, et que soudain, dans la rue...
Bravo @CorsicaLinea. https://t.co/XrZWPXCnZ7
— Battì (@battiscaffa) 27 mars 2019

Ne fais pas aux autres ce que tu n’aimerais pas que l’on te fasse ..... @CorsicaLinea c’est moche #Cliches pic.twitter.com/1tQEfpRbr1
— Catalì Albertini (@catalinettaso) 27 mars 2019

Imaginate appena un'affare di u listessu generu, pè una cumpagnia francese, cù un Corsu rapresentatu di manera grussiera (un maffiosu chì face a siesta cù una castagna ?).

Ci saria digià stata una chjama à manifestà, 40 chjame à u Forum di RCFM, una petizione, quatordeci hasthags differenti, ottanta pagine Facebook per chjamà u boycott è sette cumunicati differenti di a CDC.

Ancu di grazia, ferma a magagna. Subbitu, hè ghjunta a parudia. (pustata nant'à Facebook da Yann Lorec).

Hè ciò chì si chjama un bad buzz.

Un'altra, vista nant'à Facebook (ma avemu dettu basta cù i clichés...)

A bona nutizia in tuttu què ? Forse chì i publicitarii è quelli chì anu validatu sta pubba rifletteranu à duie volte. È forse ch'ellu si viderà menu clichés à l'avvene.

In quant'à a Sardegna, merita megliu è merita 1000 volte d'esse visitata. Ma quessa, ne parleremu un'altra volta...

Edit : A campagna di pubba di i battelli rossi hà cuntinuvatu à ispirà... Eccu i muntagi di Lisandru Ristorcelli

Sardegna, cusì vicina, cusì luntana...

Sì u scopu era di fà parlà, l'oghjettivu hè riesciutu. Ma sò stati numerosi à esse scandalizati da una publicità pè una cumpagnia corsa di battelli rossi, abbastanza "beauf".

Commentaires