20/09/2018

U cuntrastu trà Marcu Biancarelli è Gilles Simeoni

U cuntradittore di Gilles Simeoni in l'emissione Cuntrastu hè statu Marcu Biancarelli. U dibattitu vale u colpu d'esse vistu. Hè statu un scambiu d'altu nivellu trà u presidente di l'esecutivu è u scrivanu. Un mumentu cum'ellu ci n'hè pocu. Marcu Biancarelli hè intervenutu di manera chjara nant'à dui temi spesu scansati è purtantu impurtantissimi : u pesu di l'anni 90 in u naziunalisimu d'oghje è l'impurtanza data à i sìmbuli :

17/09/2018

Da i pagliaghji à e paillotes : tamanta strada !

Averà da riprincipià a guerra di e paillotes ? I patroni corsi di i stabilimenti di mare s'averanu da batte à colpi di transat ? Mentre ch’ellu si vede i pippoli difende i “socio-professionels”, a pulemica nant’à a privatizazione di u liturale cresce. Dop'à 40 anni di lotta, u populu corsu serà diventatu u “populu di e paillotes” ? Ci sò evuluzione chì ùn si ponu evità. Durante seculi è seculi, i Corsi anu custruitu pagliaghji. Ste piccule casette (o caseddi) di semplice petre à l’asseccu ghjuvavanu d’agrottu quandu ci vulia à andà in campagna. Sìmbulu di a Corsica tradiziunale, ci n’hè millaie, abbandunati per ste machje.

12/09/2018

20 tesori di u Nebbiu

Hè multìplice è bracanatu u Nebbiu, trè pieve incugnate trà u meziornu di a serra capicursina è e cime di Tenda, secondu à Luiggi Giacomoni averebbe u Nebbiu : « a forma di una conca, cullana di muntagna da Tenda, a Serra sopr’à Muratu è Rutali, u Lancone, Tighjime, è sottu à issa cullana i 14 paesi (15 s’ellu si conta Ferringule), a piaghja di San Fiurenzu cù u so golfu ». Ùn si vole cumpiitu quellu àrticulu è vene stazzunatu da l’ùnica sugettività di u so autore chì vi prupone vinti lochi, vinti giuvelli chì sò tante fiure, sìntimi è lochi cari, paisagii armuniosi suminati à tesori scarsi posti da a manu di l’omu trà serra è marina… Aiò à « piglià u Nebbiu » !

31/08/2018

Ottanta suluzioni contr’à u riscaldamentu glubale

Ci ne serà una chì puderia ispirà a ghjente di u lucale ? In u so libru Drawdown, Paul Hawken è una squadra di scentìfichi anu messu à a prova (incù mudelli matemàtichi) e suluzioni da luttà contr’à u scumbuglimentu climàticu è l’anu classificate da a più à a menu efficace. Allora chì ci hè da fà per economizà 1000 millarde di tunellate di carbone ?

22/09/2018

I clubs di futbol smarriti, è quelli chì sò vultati

Ùn hè eternu nunda, sopr'à tuttu micca in futbol. I clubs chì anu cunnisciutu a trafalata per ragione finanziarie si spartenu in duie categurie. Quelli chì sò vultati in furia, è quelli chì ùn si sò mai più visti à u primu pianu. Napuli : A trafalata, l'hà cunnisciuta ancu u club di Maradona. In u 2004, e debbite di l'anzianu club di Maradona s'alzanu à più di 60 milioni d'€.