14/02/2018

Per San Valentinu, manda a to cartulina d'amore pulitica

I tempi sò duri. A visita di Macron ci hà insignatu chì u presidente ùn vulia di l'amore di i Corsi. Ancu di grazia chì per cunsulacci ci hè San Valentinu. Allora avemu preparatu unepoche di cartuline da mandà à u·a vosrtru·a innamuratu·a (d'appressu à un'idea di Lawra).

28/01/2018

28 ghjennaghju di u 1983, more Claude Papi

U purtivechjacciu hè statu u più grande ghjucadore corsu di tutti i tempi. Artigianu di l'epupea gluriosa di Bastia in finale di a cuppa d'Auropa di u 78, s'hè spentu à l'età di 34 anni. Claude Papi nasce u 16 d'aprile di u 1949 in Portivechju. Ghjoca in DH è in e differente selezzione regiunale di giovani. Hè un ghjucadore offensivu, sia attaccante sia centrucampistu.

26/01/2018

San Marcellu in Aleria : "fà cresce u sintimu d'unità cumunitaria"

Hè rinvivita a festa di San Marcellu, l'anticu patrone di u viscuvatu d'Aleria. Ma più ch'è una festa religiosa, hè l'occasione di circà di tesse un ligame suciale chì sparisce in a Corsica d'oghje. Avemu intervistatu à Ghjuvancarlu Adami, membru di a cunfraterna di A Serra è di l'associu "San Marcellu in Oriente". Cum'è tutta a piaghja, u territoriu d'Aleria hè cambiatu assai in furia in pochi tempi. Hè qualcosa chì vi preocupeghja ? Ci hè statu bella sicura un cambiamentu fondu cù u crescimentu di pupulazione. Ghjente ghjunta da qualsiasi parte, corsi di ceppu o nò, ma oramai tutta ghjente di quì. U caratteru fundiu di quelli lochi novi d'abitazione longu a piaghja, hè appuntu quellu d'una spergugliera di fatti. Quella duve tutt'ognu nutrisce à sò modu u raportu à u locu. Quellu anticu, fattu da leva in pulleva è quellu novu segondu strutturazioni mentali è riprisentazione simboliche ch'anderebbenu bè in qualsiasi parte di u mondu. Si ne ghjunghje à ciò chì…

21/01/2018

Tante ragione di scopre à Bergamo

Brama di cambia appena d’aria ? Perchè micca andà à scopre à Bergamu è u so circondu ? A cità lumbarda ùn hè micca a più cunnisciuta, è purtantu... Stendhal hà scrittu chì : "Cette ville devint pour moi le plus beau lieu de la terre" è Dominique Fernandez "Ses fervents forment une coterie secrète ; ils savent que c'est une des plus belles villes d'Italie et qu'il ne faut pas divulguer ce trésor, s'ils veulent s'en réserver la jouissance". Allora noi a vi dimu, andateci puru ! Nisuna difficultà per andà in Bergamo s’è vo avete una vittura è un GPS. U più semplice per noi hè di parte da u portu di Savona (2 ore è mezu di vittura). Hè quant’à passà d’Aiacciu à Bastia, u strapazzu di Vizzavona in menu.

20/01/2018

Chì formule scrive per principià è finisce un mail ?

L'angoscia di u mail da scrive esiste. Chì scrive in princpiu di lettera ? Cumu finisce ? Chì mette cum'è formula di pulitezza ? Serà troppu familiare ? Troppu scrianzatu ? O à u cuntrariu troppu fretu è distanzatu ? Per aiutavvi, eccu qualchì pista di riflessione. Ùn hè micca semplice di sceglie a formula bona quand'ellu si manda un mail o una lettera (iè ! A carta esiste sempre !). Ùn si scrive di a listessa manera quand'omu s'addirizza à u so superiore o à un amicu.

15/01/2018

Una storia di a criminalità corsa

A storia di a criminalità organizata corsa è e so leie tòrbide cù u statu : hè u sugettu di stu passiunante ducumentariu in trè parte chì hè statu pruduttu da Arte. Da Simon Sabiani à Charles Pasqua, eccu una storia di u grande banditisimu corsu. "Mafia et République", realizatu da Christophe Bouquet. Hè statu diffusatu di ferraghju di u 2017 nant'à Arte, ecculu nant'à YouTube.

15/01/2018

Tony Chapron è i clubs corsi, una longa storia d'amore

L'arbitru Tony Chapron hè entratu in a storia per esse u primu direttore di ghjocu à avè messu un calciu à un ghjucadore in una partita prufessiunale. Era un amicu di i clubs corsi. Era a partita di a dumenica sera nant'à Canal+. Ferma pocu à ghjucà trà Nantes è u PSG, quandu Tony Chapron perde l'equilibriu in un'azzione. Finisce per cascà, cerca di mette un calciu à u ghjucadore (ghjudicatu rispunsevule di a so scialbata), è finisce per metteli una cartellina rossa. A federazione francese di futbol hà finitu per suspende u direttore di ghjocu.

09/01/2018

Cugnomi è paesi di Casinca

À ogni paese, u so cugnome scherzosu. Quandu sò stati dati, da quale è perchè ùn si sà. Ma sò a prova chì dapoi sempre, i Corsi anu purtatu un sguardu scherzosu nant'à elli. U Castellà Castellaresi cavalieri Castellaresi eranu stati da veru boni cavalieri ? O u cugnome serà irònicu ? O forse, purtavanu à u Medievu u titulu di cavaliere (francese « chevalier ») ? Per avà, ùn si sà...

07/01/2018

Marcu Biancarelli : "A scrittura in corsu ùn hà ancu capitulatu"

Esce ind'è Actes Sud u novu rumanzu di Marcu Biancarelli, "Massacre des Innocents". Tratta d'un fattu storicu chì s'hè passatu à u XVIIu seculu. Un battellu, olandese, u Batavia, hà fattu navifraghju in l'oceanu indianu. Un centu di i sopravviventi chì s'eranu rifugiati nant'à un isulottu seranu massacrati da un cummandante. Hè stata l'occasione per noi di parlà di u so travagliu, di a lingua corsa, di l'evuluzione di a sucetà corsa... è di siguru u Sporting. Perchè avè sceltu st'episodiu in particulare ? A storia di u Batavia l’aghju scuparta ziteddu, lighjindu i bandi dissignati annant’à i grandi splurazioni, ghjà à l’epica era una tematica chì mi facia sunnià. Po’ una dicina d’anni fà aghju lettu u libru di Mike Dash, Batavia’s Graveyard, ch’era un racontu storicu chì intria in tutti i ditagli di ‘ssa passata. Era dura di scriva dopu à quissa, è di riescia à scantammi da un’ upara ghjudicata difinitiva annant’à u sughjettu. Ci aghju missu…

07/01/2018

Quandu l’ignuranza face cresce a furesta

L’ignuranza è a cunneria ponu diventà sustanze fertilizante, suvu pè e fureste di u mondu. Eccu ciò ch’elli credenu l’attivisti chì anu cuncipitu u prughjettu "Trump Forest" : volenu cumpensà i danni chì Donald Trump face à u clima è incuragisce a ghjente à pone unipochi d’arburi ad ogni malfatta antinaturale chì u presidente americanu cummette. L’omu u più putente di u mondu hè scètticu è ùn crede micca a scenza. Per Trump u riscaldamanentu climaticu ùn esiste micca. Per indettu, ùn hè tantu in America, nivava assai, un ventu pulariu traghjacciatu paralizava a vita in Chicago, a temperaturu era falata à -25 gradi, i puveracci crepavanu in carrughju è Trump irunizava nant’à Twitter « o zitè state puru à u carminu... chì s’aspetta sempre quellu riscaldamentu imaginariu ».

05/01/2018

Dop'à i fochi di Cervioni, U Cotone è Chjatra : cumu aiutà ?

L'emuzione hè stata forte dop'à i fochi di Sant'Andria di u Cotone, Chjatra è Cervioni. Dop'à u tempu di e lacrime vene u quellu di l'aiutu è di a ricustruzzione. Cumu aiutà quelli chì ne anu bisognu ? L'Associu Svegliu Cerviunincu centralizeghja l'aiuti. Pudete fà un donu nant'à sta pagina Leetchi o nant'à quella di Move.corsica O per a posta à l'indirizzu : Associu Svegliu Cerviunincu (si pò fà un sceccu à l'ordine di l'associu) E PIANE 20221 CERVIONI I fondi ghjuveranu à aiutà quelli chì ne anu bisognu in u rughjone : abitanti è pastori (per cumprà materiale è dà à manghjà à l'animali). Pudete cuntattà l'associu nant'à a so pagina Facebook. Per sapenne di più chjamate à sti numeri : 06 81 98 17 23, 06 78 90 02 24 o 04 95 30 53 54.

31/12/2017

Chì SMS d'auguri mandà ?

Pè l'auguri di capu d'annu hè un tsunamì di sms ch'ellu s'aspetta dop'à mezanotte. Quist'annu torna, sò per milioni chì i SMS seranu mandati à mezanotte. À chì li piace, à chì l'annerba, à chì si n'impippa, à chì serà digià chjinatu à ondeci ore. Ma per quelli chì mandatu i so auguri per messagiu, si pone a dumanda. Chì scrive quist'annu ?

19/12/2017

A Piazzetta hà dece anni !

Ùn vulemu cascà in l'autocongratulazione, ma quantunque semu appena fieri di festighjà i dece anni di A Piazzetta. Cummencia à fà assai. Allora di siguru ùn hè micca stata sempre faciule. Ci hè più ripusante ch'è di sceglie d'animà di manera regulare un situ internet è publicà un giurnale gràtisi à 100% in lingua corsa. Eppuru, dece anni dopu simu quì ! U blog A Piazzetta hè creatu tandu nant'à a piattaforma Webzinemaker. Si presenta tandu cum'è «i[ un blog induv'ellu si parla di tuttu in lingua corsa, da Britney Spears à Jean-François Bernardini, da Corsica Sera à Jack Bauer...]i »

12/12/2017

È avà ?

Eccu ! S'hè compia l'elezzione cù un risultatu chjaru : a magiurità hè oramai naziunalista (56,5% di i voti è 67.000 elettori). U A campagna hè stata pocu interessante, u dibattitu s'hè purtatu solu nant'à a paura di l'indipendentisimu. Ma "passatu a festa, capulatu u santu". È avà ? Chì serà l'attitudine di u statu ? Sta mane u portavoce di u guvernu hà stanghittatu e porte. È s'ellu cuntinuveghja cusì, chì si face ? Chì hè u pianu ?

08/12/2017

10 manere di festighjà a Nazione

L'ottu di dicembre hè l'anniversariu di Gérard Holtz, è hè u ghjornu di a festa naziunale di a Corsica è di l'Uzbekistan. Allora eccu dece manere di festighjà cum'ellu ci vole a Nazione. Bon, avà a storia a cunniscite : di ghjennaghju 1735 unepochi di capizzoni rivuluziunarii decidenu di falla finita cun Ghjenuva è dichjaranu l'indipendenza. L'ottu dicembre hè sceltu per esse ghjornu di festa. Allora eccu dece manere di festighjà a nazione corsa cum'ellu ci vole.

07/12/2017

Era un 7 di dicembre in Turinu

U 7 dicembre 1977, hè nivatu è si secca di fretu in Turinu. 15.000 Corsi si ritrovanu à u stadiu cummunale di Turinu. Ùn sanu micca ch'elli anu da assiste à a notte a più magica di tutta a storia di u Sporting... Quandu di nuvembre 77 in Zurigu, l'UEFA disigna u Torino Calcio cum'è avversariu di u SEC Bastia per l'ottesimi di finale di a cuppa d'Auropa, si pensa ch'ella hè a fina di l'aventura pè i Bastiacci. E partite contr'à u Sporting Lisbona è Newcastle anu fattu piacè à tuttu u mondu, ma avà ùn si ride più. Avà u vidite cusì u Torino, ma tandu hè un ogru. Un tìtulu di campione d'Italia durante a stagione 1975-76, sette internaziunali, è una squadra chì face a paura, cù i so picci di l'attaccu Pulici è Graziani.

01/12/2017

Induve a stazione spaziale chinese hà da cascà ?

L'averemu tutte. Una stazione spaziale chinese hè fora di cuntrollu è si precipiteghja ver'di a Terra. Bella sigura, puderia cascà in Corsica. A stazione spaziale chinese si chjama "Tiangong-1" è pesa 8 tunnellate. Dapoi u 2013 hè fora di cuntrollu. Puderia casca da quì à a fine di l'annu, o in i primi mesi di u 2018 segondu i spezialisti.

29/11/2017

Sant'Andria puderà rimpiazzà Halloween ?

E "grandes surfaces" aprenu in ogni locu, l'usu corsu tradiziunale si perde, i paesi si biotenu è quandu ci hè a ghjente in paese hè per festighjà à... Halloween. Cumu fà tandu per piantà l'andatura nova di a sucetà corsa è mantene un pizzatellu di a nostra cultura ? Cumu ci l'hà fattu Halloween à stallassi ? Parchì si vede è si sente da partutu ! I zitelli sò scimatuliti da e publicità à a televisiò è i custumi ind'è i magazeni, ne parlanu in a corte di a scola è postu chì i zitelli sò rè, si face Halloween. Oghje chì tuttu si face in giru à u cummerciu eccu 10 pruposte per salvà à Sant'Andria di pettu à Halloween. 1. Tuttu pincipia d'aprile, a ferula spunta in i prati. Hè quì chì s'appicca u capu à u fustu cù una funa da priparà i bastoni pasturecci chì seranu vinduti di nuvembre.

29/11/2017

Aghju vistu à James Brown in Fiumorbu

Quellu chì a conta passa per un mittomanu. È purtantu... Una trentina d'anni fà, u grande James Brown dava un cuncertu in Corsica, in un locu trà Ghisunaccia è Casamozza di Fiumorbu. Hè forse statu u più grande artistu à essesi pruduttu ind'è noi.

24/11/2017

Ancu i pinzuti sò naziunalisti

Ùn hè micca una magagna, hè un studiu di l'IFOP chì a dice. A Corsica scambia, u so paisaghju puliticu dinù. I spezialisti di l'IFOP anu circatu d'analizà i risultati di l'ultimi scrutini. U giurnale Le Figaro ne publicheghja e cunclusione in a so edizione di u 21 di nuvembre.

13/11/2017

Corsica, "championne de France des grandes surfaces"

L’ultime bataille La Corse et les Corses ont traversé les siècles en commerçant avec Phéniciens, en se mélangeant aux Etrusques, en se romanisant presque totalement. La Corse et les Corses sont le fruit des migrations des peuples barbares, des raids des Sarrasins, des campagnes de Gênes et de la...