I tempi sò duri. A visita di Macron ci hà insignatu chì u presidente ùn vulia di l'amore di i Corsi. Ancu di grazia chì per cunsulacci ci hè San Valentinu. Allora avemu preparatu unepoche di cartuline da mandà à u·a vosrtru·a innamuratu·a (d'appressu à un'idea di Lawra).
In Corsica ùn avemu micca idee, ma avemu giratoghji. Sin'avà limitati à e decurazione di Natale, i "ronds-points" nustrali anu trovu un'utilità nova grazia à i curpetti gialli : a manifestazione. È s'è no truvavamu d'altri usi ? Simu in u 2008. Arricurdatevi, A Piazzetta lanciava u cuncorsu di u più bellu giratoghju di Natale. I lettori avianu vutatu in u 2008 per quellu di Furiani. U titulu hè statu persu l'annu dopu cù una vittoria tremenda di U Borgu.
L'ottu di dicembre hè l'anniversariu di Gérard Holtz, è hè u ghjornu di a festa naziunale di a Corsica è di l'Uzbekistan. Allora eccu dece manere di festighjà cum'ellu ci vole a Nazione. Bon, avà a storia a cunniscite : di ghjennaghju 1735 unepochi di capizzoni rivuluziunarii decidenu di falla finita cun Ghjenuva è dichjaranu l'indipendenza. L'ottu dicembre hè sceltu per esse ghjornu di festa. Allora eccu dece manere di festighjà a nazione corsa cum'ellu ci vole.
Publicatu in u numeru 30 di A Piazzetta.
Una volta di più, Super Corsu s'hà da batte per difende a so identità. Sta volta hè siguru di vince. Publicatu in u numeru 30 di A Piazzetta.
Serà u "rosé frais" ? Ogni tantu a cuscenza ecologica di i pippoli è di i so alliati si sveglia è si sunnieghjanu tutti in ortulani. «Ùn avemu micca da stà nant’à a rena cum’è lonzi spugliati per u sempre » averia dichjaratu un portaparolla. Allora quella Grande Zappera, sonniu o sunniacciu ? Basta à chjode l’ochji è à imaghjinà dumane... Nantu à a bandera, a testa mora serà cinta à frasche castagnine incù pendini di chjarasge à l’orechja è rossu à e labbre. L’urticelli si chjamaranu «Centres de remise en forme par le piochage énergétique». Ci sera un ligatoghju pè i sumeri in lu parking di u Lounge Caffè. Si puderà zappà solu di una manu è mandà un snap da l’altra. L’innacquaghjoli seranu rebbii di mojito. Serà pussibule di pagà in buatta di notte cù una sporta di fave. Gucci escerà prufumi chjamati « Fior di zucchinu », « Vapore di Sudu » o « Acqua piuvana » Ci seranu coaches spurtivi da aiutà à arricoglie i pomi «1,2,…
L'estate chì ghjunghje, hè dinù l'infernu di a festa di a musica. S'è vo surtite, avete à pocu pressu 100% di liccia di truvà què. Curagiu.
Publicatu in u numeru 28 di A Piazzetta
In u so rapportu annuale, a Corte di i Conti s’inchieta di a gestione di l’ospidali corsi. E perdite sò tamante, più di 17 milioni in Aiacciu, più di 7 milioni in Bastia. A ragiò di a bancarotta hè chjara, scrivenu i magistrati. L’impiegati sarebbinu troppu numerosi ma guasi sfaccendati postu chì i malati è l’atti medicali sò troppu scarsi. Eppuru cresce l’attività d’un ospidale hè faciule. Eccu u nostru rèfice.
È sta volta, i Stati Uniti anu una bona ragione di dichjarà a guerra à a Corsica. Dopu à Valls Vador annu passatu, chì chigna avia da piglià u rè di u Carnavale di Brandu quist'annu ? A risposta hè cascata nant'à a pagina Facebook di Jean-Yves Casalta, u capimachja di u carnavale :
À ogni paese, u so cugnome scherzosu. Quandu sò stati dati, da quale è perchè ùn si sà. Certe volte ùn si capisce micca u sensu. Ma sò a prova chì dapoi sempre, i Corsi anu purtatu un sguardu scherzosu nant'à elli. U Nebbiu si scumpartia à l'Età di Mezu in cinque pieve : Ròsulu, Bivincu, San Quilicu, Santu Petru Vechju è a pieve di Nebbiu (ingiru à San Fiurenzu).
Dapoi qualchì ghjornu un gif di a moglia di u presidente Trump circuleghja nant'à e rete suciale è pare ch'ella s'inchieti una parte di l'umanità. Si vede à Melania Trump scambià di spressione dop'à avè lanciatu un sguardu à Donald. Serà in depressione ? Una cosa hè certa, tutti i gesti di u presidente americanu anu da esse survegliati è passati à u scanner. Serà durante quattru anni un bellu sugettu pè i giurnalisti. Un breve scambiu di sguardi di u novu coppiu presidenziale durante a cerimonia d'investitura ne spaventa unepochi. Ghjudicate da per voi :
In Sardegna dinù hè falata a neve. In a regione di a Barbargia, eccu una prucessione di vacche chì fughjenu u nivaghjone per turnà in casa. Seranu di più disciplinate ch'è e nostre ? Iè, hè bella a neve è avemu tutti fattu belli ritratti per sparteli nant'à e rete suciale... Ma u nivaghjone hè sinònimu di straziu per tutti quelli chì anu l'animali. In Sardegna, sta prucessione di vacche di Barbagia chì si ne tornanu in casa pare guasi surrealista.
U dissegnu di Lawra
"On est chez nous"... ma cumu fà induve u mare hè privatizatu ? U dissegnu di Dumè Fumaroli.
Infografia esciuta in u numeru 27 di A Piazzetta.
U tempurale di a settimana scorsa in Corsica suprana hà fattu nasce un dilluviu di ritratti d'eletti in stifali. A cumunicazione pulitica s'assumiglia certe volte à un cuncorsu. Nant'à e rete suciale, a settimana passata era quellu di ritratti d'eletti nant'à u terrenu, i pedi innù a fanga. Senza Meindl ma cù e botte.
Tamanta strada ! Hè l'evenimentu maiò di st'ultimi vinti anni in l'isula. A Corsica si ralegra, u murale di l'abitanti di u circondu bastiacciu cresce, a pupularità di l'eletti dinù : hè apertu u tunellu di Casatorra dop'à trè anni di travagli. U quindeci di nuvembre hè un ghjornu maiò pè a Corsica. Dop'à l'elezzione di Pasquale Paoli è a vittoria di u Sporting in cuppa di Francia, sta data firmerà in i libri di storia. Et qui on est ! Dop'à trè anni di travagli, d'ingorghi, d'azizume è d'angoscia, hè ghjunta l'ora di u Riacquistu Stradale. Nant'à e rete suciale ùn si contanu più i messagi di gioia cù u hashtag #casatorra è i ghjochi di parolle cù "le bout du tunnel". U murale di i Corsi cresce è a pupularità di l'eletti dinù. Sta mane ùn si cuntavanu più l'automobilisti chì passavanu sott'à u tunellu trumbittendu è curnendu cum'è dop'à una vittoria di Bastia contr'à l'OM. Qualchì metru di tunellu chì ci facenu sminticà i tutti i nostri castichi : u…
C'era u "puntu Godwin". Eccu i punti di u razzisimu anti corsu. Cunniscite a "Lege di Godwin", nata nant'à l'internet in l'anni 90 : più una discussione avanza, più s'avvicina a prubabilità per ch'ella sia fatta un'allusione à Hitler o à i nazisti. Iè, ci hè sempre un mumentu induve ci n'hè unu - chì ùn hà più argumentu - chì tratti l'altru di "facho" o di "nazi". Nant'à stu mudellu si puderia fà u classamentu di i punti "anti corsi". Di regula generale, quand'ellu ci hè una discussione nant'à a Corsica, ci hè sempre un mumentu induve un pinzutu face un'allusione à e castagne ("et vous allez manger quoi ?") o u terrurisimu ("t'as mis où ton flingue le Corse ?"). U gruppu Facebook Contre le racisme anticorse ne hà fattu stu picculu riassuntu (ci hè tuttu !) :
L'averemu tutte. Enrico Macias hà dichjaratu ch'ellu si n'anderà in esiliu "en Suisse, en Corse ou en Israël si Marine Le Pen est élue". Per noi serà dunque a doppia pena.
Perchè ci vole à circà à ridene in sti tempi goffi : ùn vi scurdate di a crema.
Ghjucati à a risa, ghjastimati, magagnati, i pumataghji ùn sò micca francamente tenuti caru. À sente à certi sarianu un vituperiu pè a Corsica (davant'à i scrucconi, i maffiosi è l'assassini). Ma à rifletteci bè, i turisti in saccadò sò forse i mal peghju (omancu elli ùn anu soldi per cumprassi una casa segundaria nant'à u liturale). Serà ghjunta l'ora di a riabilitazione naziunale ?
