07/12/2017

Era un 7 di dicembre in Turinu

U 7 dicembre 1977, hè nivatu è si secca di fretu in Turinu. 15.000 Corsi si ritrovanu à u stadiu cummunale di Turinu. Ùn sanu micca ch'elli anu da assiste à a notte a più magica di tutta a storia di u Sporting... Quandu di nuvembre 77 in Zurigu, l'UEFA disigna u Torino Calcio cum'è avversariu di u SEC Bastia per l'ottesimi di finale di a cuppa d'Auropa, si pensa ch'ella hè a fina di l'aventura pè i Bastiacci. E partite contr'à u Sporting Lisbona è Newcastle anu fattu piacè à tuttu u mondu, ma avà ùn si ride più. Avà u vidite cusì u Torino, ma tandu hè un ogru. Un tìtulu di campione d'Italia durante a stagione 1975-76, sette internaziunali, è una squadra chì face a paura, cù i so picci di l'attaccu Pulici è Graziani.

31/05/2017

I peghju ghjucadori di u Sporting

U Sporting ùn hè micca solu Claude Papi, Jonnhy Rep è Lubomir Moravcik. A storia di u club bastiacciu hè fatta di partite annuiose, di buts fragichi, di passe mancate, di pienti è di lamenti. Eccu una piccula scelta di i peghju ghjucadori di a gluriosa storia turchina.

23/05/2017

Cunniscite stu dettu ?

Ci hè un dettu chì face : "Ùn ti ne ride di u mo dolu, quandu u meiu serà vechju, u toiu serà novu"... Trè anni fà aviamu parlatu di l'affare di a cascia à i culori di l'ACA in tribuna Petrignani, quandu u club aiaccinu si n'era falatu in lega 2. Da leghje quì : A cascia di u derby, novu affare Dreyfus nustrale Ferma cum'è unu di st'episodii chì i Corsi cunnoscenu bè, è chì face nasce baruffe tremende nant'à e rete suciale è splusà u standard di u forum di RCFM (allora chì forse, ci sò affari più gravi ma chì facenu nasce menu riazzioni). Bella sigura, i sustenidori bastiacci ùn anu inventatu sta magagna, chì si vede spessu in Italia. Per esempiu in u derby sicilianu, quandu i sustenidori di Palermu anu purtatu a cascia di Catania dop'à a so falata. O quella in Ghjenuva à i culori di a Sampdoria purtata da i nemichi di u Genoa. Ma a vita hè fatta à scala, à chì colla, à chì fala. È oghje sò i sustenidori di l'ACA à piglià a so rivincita.

09/03/2017

Barça - PSG, una sprufundata storica

Mai una squadra chì avia vintu 4 à 0 à l'andata ùn s'hè fatta eliminà in cuppa d'Auropa. Ma quessa, era nanz'à u PSG. Disfattu 4 à 0 à l'andata, i Catalani aspettavanu a "remontada". Bisognu à vince 5 à 0 à u Camp Nou per qualificassi. Impussibule, pè i Parigini.

27/02/2017

Ciccolini lampatu fora, u Sporting perde torna appena di a so anima corsa

U famosu "choc psychologique" hà dunque custatu a so piazza à u coach di Bastia, Francescu Ciccolini. U Sporting perde torna una cria d'anima corsa... È cosa pudia fà di più u poveru Ciccolini in sta stagione nera ? A tredecesima scunfitta di l'annu contr'à Angers hè stata l'ultima partita di Cicco nant'à u bancu di Bastia.

27/02/2017

U 27 di ferraghju di u 1967 : A Corsica batte a Francia

C'era megliu ch'è l'ottu di dicembre cum'è data per a Festa di a Nazione. Quarant'ottu anni fà, una piccula selezzione corsa si ne ghjucava à a risa a Francia di Just Fontaine. Una sola volta in a storia ci hè statu una partita di ballò chì hà vistu opponesi a Corsica à a Francia. Dop'à u scumpientu di u 1967, a FFF ùn hà mai più circatu à i Corsi d'organizà una rivincita. Per quessa, ci vole à ringrazià à Just Fontaine. U cannuniere di u mundiale 1958 hè diventatu selezziunadore di l'Equipe de France. In stu principiu d'annu 1967, hà una bunissima idea : organizà partite contr'à e regione di Francia. A Corsica hè scelta pè a prima partita. I Bleus preparanu una partita impurtante u mese prussimu, contr'à a Rumenia è Just Fontaine l'avia detta : "J'ai choisi la sélection corse parce que leur jeu de battants s'apparente à celui des Roumains". Hè cusì ch'ellu tuccherà à Pierre Sinibaldi di direge una squadra corsa. Dicessette ghjucadori corsi sò…

25/02/2017

Cahuzac espulsu per avè messu un colpu à un pannellu

Hè una stagione infernale pè u Sporting. In Angers, in più di a concia pigliata (3-0), u capitanu Yannick Cahuzac si ferisce è piglia un cartone rossu per avè messu un colpu à u pannellu di u quartu arbitru. U futbol hè fattu cusì. Ci sò stagione induv'ellu ùn ci hè nunda chì và. Ma veramente nunda. U Sporting hè nanz'à l'ultimu à a classifica dop'à una stagione nera fatta di suspensione, di macciacci, di feriti, di ghigna, di sanzione severe. Contr'à Angers, Cahuzac si piglia un cartone rossu per stu gestu d'azizume contr'à u quartu arbitru :

16/02/2017

U futbol attacca u cerbellu

Un'inchiesta fatta in Gran Brittagnia mustreria ch’ellu ci hè un ligame trà a pràtica di u futbol è l' « encefalupatia traumàtica crònica », una malatia di u cerbellu chì pruvucheghja un’alterazione di e facultà intellettuali è cunduce à a demenza. Stu studiu scentìficu dice (s’è no avemu capitu bè) chì e capate ripettute, l’intoppi, i tusci attacherianu pianu pianu i neuroni è chì invechjendu, i ghjucadori imbambuliscerebbinu. E gattive lingue diceranu ch'ellu ùn c'era bisognu di mubilizà un'armata di sapientoni da amparà ciò chì tuttu u mondu sapia digià : i ghjucadori à a ritirata piglianu a falata è finiscenu nant’à beIN Sports o RMC…

13/02/2017

Furiani, 12 di ferraghju di u 2011

Pare un'eternità. Ambianza è passione in Furiani, cù una tribuna Petrignani piena à tappu. L'hà detta Jean-Louis Leca : in Bastia ci sò quattru pilastri : i ghjucadori, u staff, i dirigenti, i sustenidori. È s'ellu ne manca unu, tuttu si ne fala. Quist'annu Furiani hè bellu tristu è bellu viotu. U Sporting hè in pusizione (per avà) di falata in segonda divisione è l'avvene pare bughju. Eppuru, sei anni fà, quandu u Bastia (tandu in Naziunale) ricevia à Cannes, l'ambianza era altra è a tribuna Petrignani piena à tappu :

31/01/2017

Quandu e scimie eranu i ghjucatori di Bastia

Di nuvembre di u 1997, Bastia ghjoca contr'à u Steaua Bucarest in cuppa d'Auropa. U scontru hè duru è nant'à u terrenu falanu i colpi. U lindumane, a stampa rumena si scatena. I ghjucadori di u Sporting sò qualificati di scimie è di salvatichi. Un giurnale scrive in titulu "zoobastia"... Semu sempre a scimia di un altru. U 4 di nuvembre di u 1997 Furiani hè pienu à tappu pè riceve u Steaua Bucarest. À l'andata u Sporting hà persu 1 à 0 è u ritornu s'annunzia caldu.

28/01/2017

28 ghjennaghju di u 1983, more Claude Papi

U purtivechjacciu hè statu u più grande ghjucadore corsu di tutti i tempi. Artigianu di l'epupea gluriosa di Bastia in finale di a cuppa d'Auropa di u 78, s'hè spentu à l'età di 34 anni. Claude Papi nasce u 16 d'aprile di u 1949 in Portivechju. Ghjoca in DH è in e differente selezzione regiunale di giovani. Hè un ghjucadore offensivu, sia attaccante sia centrucampistu.

13/08/2016

Ripresa di a L1 : una partita, quattru pulemiche

Chì piacè ! U campiunatu di Francia di ballò hè di ritornu. S'è vo vi n'erate scurdati, eccu cum'ella si passa (in l'ordine) : macciacciu, incidente, pulemiche, cundannazione di Pierre Ménès, vittimizazione. A L1 cuntinuveghja di facci sunnià. In a grande lista di e cose chì ùn cambianu mai (cù u ripastu di famiglia à Natale chì finisce in baruffa o a schisofrenia di l'estate in Corsica) ci hè u macciu di u Sporting. Pè riassume : incidente > pulemica > cundannazione > vittimizazione > insulte. Ripigliemu in l'ordine per quelli chì averianu mancatu un episodiu :

11/07/2016

I sunniacci di i Francesi in ballò

L'Euro hè dinù statu l'occasione di ramintacci i più grandi mumenti di l'Equipe de France. Eccu i ghjucatori chì anu sciappatu i sonniu di i tricolores, da Kostadinov à Eder. L'incarnazione perfetta di u male assolutu. U capimachja di i gattivi, u sceffu di i mullizzi, u porcu assassinu chì hà impeditu di dorme à millaie di Francesi durante anni è anni. È ci hè di chè : - U scenariu terribule : meza finale di cuppa di u mondu 1982, a Francia hà dui buts d'avanzu nant'à l'Alemagna. Si ferà richjappà è perderà à i penaltys. - L'agressione degna d'un macellu : Si ghjoca ottu minuti quandu u purtiere alemanu dà una spallata à Battiston chì finisce à l'ospidale. Mancu un sguardu per a so vittima è l'arbitru chì ùn dice nunda. - L'attitutine : pruvucazione, antipatia, nisun fair play è gesti spiazzati à i sustenidori francesi. Averà sta frasa per a so vittima : "Deux dents cassées ? S'il n'y a que ça, je lui payerai les frais de dentiste."

03/07/2016

Ùn ci vole mai à fà u maccu nanz'à un penalty

Mancà un penalty, hè accadutu à i più grandi. Mancà un penalty dop'à avè fattu u maccu, hè veramente goffu. L'Italia pò pieghje. Zaza è Pellè si ponu piattà per parechji mesi. Hè vera, ghjucà una partita cusì à i penalties hè terribule per quellu chì si face sorte. Sapemu dapoi Thierry Roland chì i["les tirs au but, c'est la loterie".]i Ma nant'à a seanza di penalties d'Alemagna - Italia (18 tiri, 11 riesciuti, 7 mancati), i peghju sò stati quelli di Graziano Pellè è Simone Zaza.

24/06/2016

Idule : James McClean, quellu chì dice di nò à u statu culuniale britannicu

Dumenica, i nostri fratelli – è surelle – d'Irlanda ghjocanu contr'à l’Équipe de France. Una partita savurita chì rilancia d'un colpu l'interessu per l'Euro in l'isula. Ghjucadore mezanu di Premier League, James McClean, 27 anni, duveria principià nant'à u bancu. Ciò chì ùn l'impedisce micca d'esse u ghjucadore u più emuziunante di a selezzione di Martin O'Neill.

18/06/2016

Euro : 10 belle ragiò di sustene l'Islanda

A squadra di u Paese di u Cotru (300 000 abitanti) participeghja pè a prima volta à a fasa finale di l'Euro è i ghjucadori, cum'è zitelli a sera di Natale, cantanu incù l'anghjuli. Eccu dece ragione di mughjà « Forza Islanda ». 1. I nomi è e casate di i ghjucadori parenu scioglilingue è facenu rime faciule (Gunnarsson, Guðmundsson, Nimportachèson)

16/06/2016

Nike s'hè scurdata di a Sardegna

Spessu a Corsica hè sminticata da diverse carte francese. Ùn hè micca ch'ellu ci dispiace, hè solu ch'ellu ci mostra cum'elli ci sò attaccati. Ma ùn vi ne fate, ùn simu micca soli. In Sardegna hè Nike chì s'hè scurdatu di qualcosa... Bon, forse chì a geografia ùn era micca a disciplina preferita di i designers di Nike...

16/06/2016

Ci simu beti un colpu cù u ministru di i sports di Plaid Cymru

À u comptoir di u Betjeman Arms, un pub cunfurtèvule di a gara Saint Pancras di Londra, ci hè Neil McEvoy. Un stagnone di vinu rossu in e mani, discorre di u clash Paese di Gallia – Inghilterra di u lindumane cun dui cumbotti. Ùn sanu siguramente micca chì st'omu in polò turchinu scuru, capelli corti è neri cù u visu serenu hè u ‘shadow minister’ delegatu à u sport di Plaid Cymru, u partitu naziunalistu gallese. Poca supresa quand'ellu mette a soia è ch'ellu si mette à parlà d'identità, di spiritu culuniale è di Gareth Bale. b[Dumane in Lens, andate à vede a partita di manera officiale o trà di ‘lads’ ?]b

13/06/2016

13 di ghjugnu di u 1981 : a cuppa hè nostra !

Una sera di ghjugnu à u Parcu di i Principi, Paul Marchioni hà pisatu a cuppa dop'à avè basgiatu à Mitterrand. Ferma u solu trufeu maiò vintu da u Sporting... Eccu a storia di stu parcorsu chì ùn hè micca statu semplice.

10/06/2016

A lega di Brittagna signa un partenariatu cù a federazione gallese

À cantu à a partita Corsica - Euskadi, Gilles Simeoni dicia à So Foot avè « a brama di riflette à una sorte di turneu » trà « populi è nazione senza Statu » di u circondu mediterraeu. Catalogna, Palestina, Sicilia, Sardegna, hè vera ch'ellu puderia esse mancu male. Ma perchè micca sunnià più grande, è organizà una cumpetizione trà selezzione di populi senza statu chì venerianu da tuttu u cuntinente auropeu ? A messa in piazza d'una manifestazione tale ùn seria micca qualcosa di semplice, ma ci sò appena da per tuttu iniziative chì nascenu è chì vanu in stu sensu. L'ultima ? A signatura d'un partenariatu trà a Lega di Brittagna è a federazione gallese, anch'ella palisata da So Foot.

06/06/2016

A LFP prugramma u derby aiaccinu u 5 di maghju 2017

Quessa, ci vulia à truvalla : a LFP hà fattu cunnosce u calindariu di a L2 2016-17 è u derby ACA - GFCA hè previstu... u 5 di maghju 2017. Avà a Lega 2 si chjama a "Domino’s Ligue 2". Cumplimenti ! Da vede nant'à u situ di a LFP

29/05/2016

A panenka di Rémy Cabella

L'affare di a panenka, hè chì quellu chì a riesce passa per un tercanu, è quellu chì a fiasca passa à a risa. Durante a seanza di penaltys trà a Squadra Corsa è a selezzione basca, Rémy Cabella hà riesciutu a soia... È ghjustu dopu, Gary Coulibaly dinù hà messu a so panenka. Prussimu appuntamentu di a Squadra Corsa : di dicembre contr'à a Catalogna ? (è forse cù Wahbi Khazri è Rodéric Filippi ?).

26/05/2016

Hè propiu bè a Squadra Corsa, ma ùn manca micca qualchissia ?

Stu 27 di maghju in Mezavia, a Squadra Corsa disputa unu di i scontri i più impurtanti di a so storia recente. A selezzione capitanata da Dédé Di Scala ghjoca contr'à un veru paese amicu, u Paese Bascu. Dop'à [e vittoria contr'à u Gabon, a Bulgaria è u Burkina Faso]url:http://www.apiazzetta.com/50-anni-di-squadra-naziunale-corsa-di-ballo_a2210.html l'estate passata, a selezzione cambia di livellu, ch'ellu sia à u livellu spurtivu o puliticu. A Corsica naziunalista di pettu à u fratellu di lotta Euskal, hè un bellissimu missaghju d'unione è di sulidarità mandatu à a FIFA è à l'autorità di Madrid è Parigi.

26/05/2016

50 anni di squadra naziunale corsa di ballò

A Squadra Corsa scontra u Paese Bascu (u 27 di maghju, 8 ore di sera in Mezavia). Aspettendu d'esse ricunnisciuta un ghjornu da a FIFA è di ghjucà altr'affare ch'è partite amichèvule, eccu a storia di e differente selezzione corse di futbol. Ùn pare micca cusì, ma face più di cinquant'anni chì una selezzione corsa di ballò esiste. Ùn hè micca stata regulare : nisuna partita organizata trà u 1967 è u 1991... Ciò chì face chì grandi ghjucatori cum'è Papi, Orlanducci, Marchioni, Franceschetti ùn anu mai purtatu a maglia bianca, è hè peccatu. Di fatti, ci sò trè epiche in a storia di a "naziunale" corsa : quella di l'anni 60 (trè partite trà u 63 è 67), l'anni 90 (e partite organizate da "Paese", u giurnale di u MPA in u 91, 92 è 93) è a rinascita cù a Squadra Corsa (à partesi da u 2009). Scrive Didier Rey à prupositu di a selezzione di l'anni 60 è quella di l'anni 90 : "Les parties qu'elle disputa s'inscrivaient dans des contextes historiques radicalement…