A sapete, i Corsi cunnoscenu assai male a so isula. Pè u so rughjone, cità è paese d'origine, và bè. Ma quand'ellu si tratta d'alluntanassi, hè più cumplicata. I turisti ùn sò ancu à ghjunghje ind'è noi, allora perchè ùn prufittanne ?
Trè anni fà, A Piazzetta avia publicatu un numeru per incuragisce i Corsi à girandulà in casa soia. u custatu hè tremendu : a Corsica, a cunnoscenu megliu i pumataghji chè i Corsi (micca sempre, ma guasi). Allora perchè micca prufittà di "l'effettu Govid" per andà à scopre un locu chì ne avete sempre intesu parlà, ma induve ùn avete mai messu un pede ?
Sì i cummercianti ùn ci mettenu micca troppu bastunate, bella sigura.
Sì i cummercianti ùn ci mettenu micca troppu bastunate, bella sigura.
U Crùzinu
Quand'elli vi dumanderanu "Ch'ai fattu st'estate ?" è ch'è vo rispunderete "aghju visitatu u Crùzinu", calmerà subbitu à tuttu u mondu. U Crùzinu (o Crùzini ?) currisponde à a valle di u fiume di u listessu nome. Sò i paesi di U Salge, Rusazia, Azzana, Pastricciola è Rezza. Belli lochi verdi, è quì omancu serete à u calmu. A muntagna hè magnifica (sott'à u Monte d'Oru, u monte Cervellu, u Trittore). Hè un locu scantatu è in fine di contu pocu cunnisciutu. Hè una pieve chì hà sappiutu mantene unepoche di e so tradizione, cum'è quella di i fochi di a notte di u 31 di lugliu, quella di i mazzeri.
Da leghje nant'à Corse-Matin : La nuit des mazzeri
Da leghje nant'à Corse-Matin : La nuit des mazzeri
U Boziu
Una di e regione di Corsica chì soffre u più di a disertificazione. Ma ci n'hè sempre unepochi chì resistenu. Ci vole à dì chì u Boziu ne hà l'abitutine, hè da quì ch'elle sò partute e duie rivuluzione maiò di a nostra storia : quella di Sambucucciu d'Àlandu, contr'à i signori in u 1357, è quella cont'à Ghjenuva, in u 1729.
Prufittatene per vede e pitture à l'affrescu di Sermanu è di U Favalellu, chì facenu parte di e più belle di Corsica." "
Prufittatene per vede e pitture à l'affrescu di Sermanu è di U Favalellu, chì facenu parte di e più belle di Corsica." "
Luzzipeu
Trà Galeria è Calvi, quì serete tranquillu. Abandunata da l’omi à l'epica di l’invasi barbareschi, a pieve di Luzzipeu si trova luntana da ciò ch'ellu si chjama "le développement", è tutta a mullizzeria ch'ellu trascina (sin'à quandu). Pocu mondu à u mare, paisaghji salvatichi, è quì vi ricurderete chì u statu ci vulia fà in l’anni 60 una basa per facci e so prove di bombe atomiche. E mine di l'Argentella si ponu sempre vede.
Da Portivechju à Bunifaziu passendu pè l'Alta Rocca
Ciò chì si chjama oghje « l'Esstrêm'sud » hè guasi tutta abandunata à u tuttu turisimu. Dui mesi d'infernu senza nome. Allora hè u mumentu di prufittanne è di scopre unepoche di e so bellezze storiche : u castellu prestoricu d'Araghju, unu di i più belli di l'età di bronzu. Obligazione di piantassi nant'à u situ di Cucuruzzu è di u castellu di Capula. Ne prufitterete per fà un saltu à u museu di Livia. In Càrbini penserete à i Ghjuvannali, nant'à un bellu chjassu patrimuniale.
È perchè micca lampà un ochju in Piantaredda ? Vicinu di u mare, ci hè un situ rumanu. Davant'à ste ruvine di u primu seculu è à cantu à i palazzi di i ricconi, meditate. 2 000 anni d'occupazione di u spaziu, da i Rumani à i e residenze di i Séguéla è Clavier.
È perchè micca lampà un ochju in Piantaredda ? Vicinu di u mare, ci hè un situ rumanu. Davant'à ste ruvine di u primu seculu è à cantu à i palazzi di i ricconi, meditate. 2 000 anni d'occupazione di u spaziu, da i Rumani à i e residenze di i Séguéla è Clavier.
#araghju #storia #corsica #casteddu pic.twitter.com/Si4mKall3A
— kissing pigs (@kissingpigs) May 30, 2020
L'Agriate
Innò, « Le Désert des Agriates » ùn hè micca un disertu. Era una terra d'impiaghjera di i pastori aschesi è multifinchi. Era ancu cultivata da Capicursini. Prufittate di sti lochi prutetti da u Cunservatoriu di u liturale, è ditevi chì ste belle piaghje eranu prumesse à una bettunizazione sfrenata. Appartenianu à a banca Rotschild chì vulia fanne cummerciu.
U Marzulinu
Hè a terra storica d'impiaghjera di i pastori niulinchi. Hè per quessa ch'ellu ùn ci hè un veru paese, ma parechji paisoli spapersi, induve l'omi ci anu fattu i so stazzi è compuli per l'animali.
Sorru Insù è Sorru Inghjò
O forse preferite u nome di "Les-deux-Sorru" (bof). Sorru Insù sò i paesi di Guagnu, A Soccia, U Pighjolu, Ortu. Sorru Inghjò sò quelli di Vicu, Àrburi, Balogna, Coghja, Murzu (è Muna), Letia, Lòpigna è Rennu. I cunniscite ? Nò ? Allora ci vole à cunnosceli.
A Cinarca
In Cinarca penserete à i Cinarchesi, sta dinastia di signori i più impurtanti di Corsica à u Medievu. Si ponu vede poche ruvine di u so castellu, tantu i Ghjenuvesi si sò appiegati à distrugelu, petra per petra. In Casaglione circherete e 150 cupule zuccate in a petra da l'omi di a prestoria.
Infine passerete pè Sagone, per ammirà l'antica catedrale di Sant'Appianu, chì ci rimanda à i tempi i più antichi di u Medievu. Hà una particularità : una stàntara hè stata aduprata in i muri.
Infine passerete pè Sagone, per ammirà l'antica catedrale di Sant'Appianu, chì ci rimanda à i tempi i più antichi di u Medievu. Hà una particularità : una stàntara hè stata aduprata in i muri.
U situ prestoricu di u Monte Lazzu
A Ghjuvellina
Cumu ùn ci saria nunda à fà in Ghjuvellina ? Nunda chè di piglià u tempu di scopre u massicciu di Cima à i Mori ("Les Aiguilles de Popolasca" sè vo preferite), i bagni di Vetta di Muru è u castellu di Serravalle, vi face una bella spassighjata.
U Vallerustie
Scuprite a pieve di Corsica a più ribella, quella chì omancu una volta à l'annu piglia a so indipendenza è si taglia da u restu di a Corsica. O si ne fala un pezzu di strada, di ponte, di ligna eletrica è di telefunu.
In Cambia ci truverete e più belle sculture rumàniche, ma dinù stantare è scritture prestoriche (A Petra Frisgiata). È s'è vo a vi sentite, pudete sempre cullà à favvi una paghjella in Rusiu. Ma attenti chì quì i canterini sò pistelli.
In Cambia ci truverete e più belle sculture rumàniche, ma dinù stantare è scritture prestoriche (A Petra Frisgiata). È s'è vo a vi sentite, pudete sempre cullà à favvi una paghjella in Rusiu. Ma attenti chì quì i canterini sò pistelli.
A Rogna
U nome di a pieve ùn hè micca u più cunnisciutu, ma purtantu u territoriu di a Rogna hè unu di i più grandi di Corsica. Và da Vivariu à Aleria, passendu pè Antisanti, Ghjuncaghju, Altiani, Pedicorti, Petraserena è Erbaghjolu.
Orezza, Ampugnani è Alisgiani
In u core di a Castagniccia ùn mancanu e cose da vede : chjese barocche, cappelle rumàniche, case antiche, spassighjate. Hè normale, a Castagniccia era à u XIXu seculu una di e regione campagnole e più pupulate d'Auropa, è una di e più ricche di Corsica. Dopu sò venuti i guai, ma bellezze ci n'hè in ogni locu.
U Fiumorbu
Una legenda dice chì in Fiumorbu cummencianu i bumbagi "turisti corsi fora". Ma supranate a vostra paura per visità sta regione in fine di contu poca cunnisciuta.
U Prunelli
A valle di u Prunelli principia sott'à monte Rinosu per lampassi in mare in u golfu d'Aiacciu. Quì dinù ùn mancanu i lochi da vede, à principià pè a bocca di Scalella. Piantatevi à vede à Sampieru Corsu in Basterga (o micca, in sulidarità per Vannina), passate pè e strette di Prunelli, Ocana, è salutate u Ponte di i Setti Polli, induve Arrigu Bel Messere hè statu ammazzatu.
U Falasorma
Un altru locu mìticu di u pasturalisimu corsu, cù u chjassu di a muntagnera chì và da Galeria à Niolu è pupularizatu da a canzona di a Filetta. Seguitate i passi di a bocca di Caprunale sin'à u rifugiu di Puscaghja. Pigliate un bagnu in Montestremu, spassighjatevi u longu di u Fangu, andate à vede a vechja chjesa piuvana di Chjumi. Sempre sott'à u Tafunatu. Under his eye.
Bastia
700 anni di storia, ne face una cità unica in Corsica. Da Terranova à Terravechja, ci vole à piglià u tempu di scopre i tesori di Bastia.
