Scandula : trà u jet-ski è l'alpana, ci vulerà à sceglie

Scandula : trà u jet-ski è l'alpana, ci vulerà à sceglie

Rédigé le 26/03/2019

È s'è no ne aviamu fattu troppu ? A riserva naturale di Scandula, patrimoniu mundiale di l'UNESCO, hè a vìttima di u so successu. Cun 150.000 visitori à l'annu è 500 battelli à ghjornu l'estate, face forse appena troppu pè l'ambiu. È l'alpana ùn ci si piace più.


Averemu da fà fughje ancu l'alpana ? St'acellone mìticu di a Corsica (in francese "balbuzard pêcheur") ùn si ripruduce micca abbastanza. A frequentazione turìstica hè messa in causa.

Sta volta, sò i scentifichi chì l'anu detta. Anu spiegatu à u giurnale "La Croix" :

« Les activités touristiques dérangent sans cesse les oiseaux en fin de période de reproduction, ce qui provoque une chute du succès reproducteur ».

I corci, mancu in punta di i so calanche ùn lascemu l'alpana in pace.

Un studiu hè statu publicatu in a rivista "Animal Conservation". L'affari sò in inglese :

A pupulazione d'acelli cala è parechji media si sò interessati è anu circatu di sensibilizà l'opinione.

Ma sì l'alpana hè in gattivu statu, tuttu ùn hè ancu persu. Spiega l'universitariu Olivier Duriez chì e suluzione esistenu.

« La plus simple et la plus drastique consiste à interdire l’accès aux pitons rocheux porteurs de nids par la mer pendant la période de reproduction jusqu’au 10 juillet. La deuxième serait d’interdire l’accès aux nids dans un rayon de 300 m, sauf les nids hébergeant des parents n’ayant pas de petits au nid. Troisièmement, il serait préférable d’interdire la venue d’un grand nombre de petits bateaux rapides et d’autoriser la visite de quelques gros bateaux »


Ci serà una leia ? U guardianu di a riserva naturale hè statu minacciatu. Difficiule à dì. Ma si sà chì e pressione nant'à i difensori di l'ambiu ùn sò micca fake news.

U mese scorsu, nove organizazione eculugiste (ABCDE, ADN Passpartou, Aria Linda, A Sentinella, La Ligue contre le cancer, Le Garde, Global Earth Keeper, U Levante, Zeru Frazu) anu scrittu à u ministru François de Rugy.

Da leghje : La réserve de Scandula, un joyau en perdition !



Una petizione hè stata lanciata (più di 28.000 firme) : Sauvons Scandola !

Qualcosa ci vulerà à fà s'è no ùn vulemu trasfurmà à Scandula in Disneyland corsu in mare. O allora, pienghjeremu à "Cursichella" una volta di più da quì à pochi tempi. Ma ùn puderemu micca dì ch'è no ùn sapiamu micca.